തെലുങ്ക് 'മെര്‍സലി'നെ വിവാദം വിഴുങ്ങുമോ? റിലീസ് ഇനി എന്ന്

കഴിഞ്ഞദിവസം റിലീസ് ചെയ്യാനിരുന്ന വിജയ് ചിത്രം മെര്‍സലിന്‍റെ തെലുങ്ക് പതിപ്പ് തെലുങ്ക് പതിപ്പ് 'അദിരിന്ദി'യ്ക്ക് സെൻസര്‍ ബോര്‍ഡ് പ്രദര്‍ശനാനുമതി നിഷേധിച്ചിരുന്നു. ജി എസ് ടി യെ സംബന്ധിച്ചുള്ള പരാമർശങ്ങൾ ചിത്രത്തിൽ ഉള്ളത് വൻ വിവാദങ്ങൾക്ക് വഴി വെച്ചിരുന്നു. ഇത് മൂലമാണ് ചിത്രത്തിന്‍റെ റിലീസിംഗിൽ തടസങ്ങൾ നേരിടുന്നത് എന്നാണ് റിപ്പോർട്ടുകൾ സൂചിപ്പിക്കുന്നത്.

ചിത്രത്തിന്‍റെ നിർമാതാവായ അദിതി രവീന്ദ്രനാഥാണ് റിലീസ് നീട്ടി വെച്ച വിവരം ട്വീറ്റിലൂടെ അറിയിച്ചത്. പുതിയ തീയതി പിന്നീട് അറിയിക്കുമെന്നും അവര്‍ അറിയിച്ചെങ്കിലും ആരാധകര്‍ അക്ഷമരാണ്. വിജയ് ചിത്രത്തിന്‍റെ തമിഴ് പതിപ്പ് പുറത്തിറങ്ങിയത് മുതൽ ചിത്രത്തെ വിവാദങ്ങൾ പിന്തുടരുകയാണ്. തമിഴിൽ ചിത്രത്തിന് U/A സർട്ടിഫിക്കറ്റാണ് ലഭിച്ചത്. എന്നിട്ടും തെലുങ്ക് പതിപ്പിന് എന്തുകൊണ്ട് സെൻസ‍ര്‍ അനുമതി ലഭിക്കുന്നില്ലെന്നാണ് താരത്തിന്‍റെ ആരാധകര്‍ ഉയര്‍ത്തുന്ന ചോദ്യം.

ചിത്രം തെറ്റായ പരാമർശങ്ങളാണ് നടത്തിയിരിക്കുന്നതെങ്കിലും പ്രാദേശികമായ തലത്തിൽ വീണ്ടും സെൻസറിങ് പാര്‍ട്ടി ആവശ്യപെട്ടിട്ടില്ല എന്ന് തന്നെയാണ് ചിത്രത്തെ സംബന്ധിച്ച വിവാദങ്ങൾക്ക് തിരി കൊളുത്തിയ ബിജെപിയുടെ തെലുങ്കാന ഘടകം വ്യക്തമാക്കുന്നത്. ഹിറ്റ് സിനിമകൾ ഒരുക്കിയ യുവ സംവിധായകൻ ആറ്റ്‌ലീ ചിത്രത്തിൽ വിജയ് മൂന്ന് വേഷങ്ങളിലാണ് എത്തുന്നത്. ഡോക്ടര്‍, മജീഷ്യന്‍, തമിഴ്‌നാട്ടിലെ സാധാരണക്കാരന്‍ എന്നീ വേഷപ്പകര്‍ച്ചയിലെത്തുന്ന താരത്തിനൊപ്പം നിത്യാമേനോന്‍, സാമന്ത, കാജല്‍ അഗര്‍വാള്‍ എന്നിവര്‍ നായികമാരായെത്തുന്നു. എ ആർ റഹ്മാനാണ് ചിത്രത്തിന് സംഗീതം നിര്‍വ്വഹിച്ചിരിക്കുന്നത്.

അതിനിടെ വിജയ്‌യുടെ നിർമാണ കമ്പനിയിൽ ജിഎസ്‍‍ടി ഇന്‍റലിജൻസ് വിഭാഗം റെയ്ഡ് നടത്തിയതായി വന്ന റിപ്പോര്‍ട്ടുകൾ അടിസ്ഥാനരഹിതമാണെന്ന് ജിഎസ്‍ടി ഇന്‍റലിജൻസ് വിഭാഗം വ്യക്തമാക്കി. ഇത്തരത്തിൽ നിരന്തരം വ്യാജവാര്‍ത്തകൾ പുറത്ത് വരുന്നത് അദിരിന്ദിയെ ബാധിച്ചേക്കുമോ എന്നാണ് ആരാധകരുടെയും ആശങ്ക. റിലീസ് നീളുന്നതോടെ വിവാദങ്ങൾ ചിത്രത്തെ അപ്പാടെ വിഴുങ്ങുമോ എന്നും ആരാധകര്‍ ആശങ്കപ്പെടുന്നു.

Vijay Mersal Telugu Release postponed; Fans Awaiting

Vijay Mersal Telugu Release postponed; Fans Awaiting for Adhirindhi Release