കാത്തിരിപ്പിന് വിരാമം; 'കുഞ്ഞാലി മരയ്ക്കാര്‍' മമ്മൂക്ക തന്നെ

ആരാധകരുടെ നീണ്ട കാത്തിരുപ്പുകൾക്കൊടുവിൽ 'കുഞ്ഞാലി മരയ്ക്കാര്‍' എത്തുന്നു. ശങ്കർ രാമകൃഷ്ണൻ തിരക്കഥയഴുതി സന്തോഷ് ശിവൻ സംവിധാനം ചെയ്യുന്ന 'കുഞ്ഞാലി മരയ്ക്കാറി'ൽ മമ്മൂട്ടി തന്നെയാണ് നായകനാകുന്നത്. സിനിമ നിര്‍മ്മിക്കുന്ന ആഗസ്ത് സിനിമാസ് തന്നെയാണ് ഇക്കാര്യം ഔദ്യോഗികമായി പ്രഖ്യാപിച്ചത്. മമ്മൂട്ടി 'കുഞ്ഞാലി മരയ്ക്കാറാ'യി എത്തുന്നെന്ന റിപ്പോര്‍ട്ടുകൾ മാസങ്ങൾക്ക് മുൻപ് തന്നെ പുറത്ത് വന്നിരുന്നു. ചിത്രത്തിൽ 'കുഞ്ഞാലി മരയ്ക്കാര്‍' എന്ന ചരിത്ര പുരുഷനായാണ് മമ്മൂട്ടി പ്രത്യക്ഷപ്പെടുക.

കോഴിക്കോട്ടേ സാമൂതിരി രാജാവിന്‍റെ നാവികപ്പടയുടെ നായകനായിരുന്നു മുഹമ്മദ് കുഞ്ഞാലി മരക്കാർ. 1498 - ൽ ഇന്ത്യയിലെത്തിയ പോർച്ചുഗീസുകാരുമായി ഐതിഹാസികമായ കപ്പൽ യുദ്ധങ്ങളിൽ അസാമാന്യ പാടവം തെളിയിച്ചിട്ടുള്ള വ്യക്തി കൂടിയാണ് അദ്ദേഹം. മുൻപ് ഒരു ലൈറ്റ് ആന്‍ഡ് സൗണ്ട് ഷോയില്‍ കുഞ്ഞാലി മരക്കാരായി മമ്മൂട്ടി പ്രത്യക്ഷപ്പെട്ടിരുന്നു.




1967ലും കുഞ്ഞാലി മരയ്ക്കാർ എന്ന പേരിൽ ഒരു സിനിമ റിലീസ് ചെയ്തിരുന്നു. പ്രേം നസീര്‍ നായകനായ ചിത്രം ചന്ദ്രതാരാ പ്രൊഡക്ഷൻസിന്‍റെ ബാനറിൽ ടി കെ പരീക്കുട്ടിയാണ് നിർമിച്ചത്. എസ് എസ് രാജനായിരുന്നു ആ ചിത്രം സംവിധാനം ചെയ്തിരുന്നത്.

Mega Star Mammotty in and as Kunjali Marakkar

Mega Star Mammotty in and as Kunjali Marakkar; Project Officially announced by August Cinema