ഡേറ്റിങ് ആപ്പിൽ ആശയുടെ മോർഫ് ചെയ്ത ചിത്രം

ഡേറ്റിങ് ആപ്പിന്റെ പരസ്യത്തില് പ്രശസ്ത നടിയും നര്ത്തകിയുമായ ആശാ ശരത്തിന്റെ മോര്ഫ് ചെയ്ത ചിത്രം പ്രചരിക്കുന്നു. ഫെയ്സ്ബുക്ക് പോലുള്ള സാമൂഹിക മാധ്യമങ്ങളില് കാണിക്കുന്ന ലൈവ് ഡോട്ട് മി എന്ന ആപ്പിന്റെ പരസ്യത്തിലാണ് ആശയുടെ ചിത്രവും ഉള്പ്പെടുത്തിയിരിക്കുന്നത്. ഇത് ചിലര് കണ്ടെത്തി കഴിഞ്ഞപ്പോള് പരസ്യം അപ്രത്യക്ഷമായി.

ഡേറ്റിങ് ആപ്പുകളിലേക്ക് ജനങ്ങളെ ആകര്ഷിക്കാന് നടിമാര് അടക്കമുള്ള സെലിബ്രിറ്റികളുടെ ചിത്രം നല്കുന്ന സംഭവം ഇതിന് മുന്പും റിപ്പോര്ട്ട് ചെയ്തിട്ടുണ്ട്. പല മലയാളി നടിമാരുടെയും ചിത്രങ്ങള് ഇത്തരത്തില് മോര്ഫ് ചെയ്ത് പ്രചരിപ്പിച്ചിട്ടുണ്ട്.

സ്ത്രീകളുടെ ചിത്രം ദുരുപയോഗം ചെയ്യുന്നതിന് കനത്ത ശിക്ഷയുണ്ടെങ്കിലും സൈബര് ലോകത്ത് നടക്കുന്ന ഇത്തരം കുറ്റ കൃത്യങ്ങള് ദിനം പ്രതി കൂടിവരികയാണ്. മാത്രമല്ല ഇവരെ കണ്ടെത്തി ശിക്ഷിക്കുക എന്നത് എളുപ്പമല്ലതാനും.