ശ്രീനിവാസനും മകന്‍ വിനീത് ശ്രീനിവാസനും കേന്ദ്രകഥാപാത്രങ്ങളെ അവതരിപ്പിക്കുന്ന അരവിന്ദന്‍റെ അതിഥികളുടെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. കഥ പറയുമ്പോള്‍, മാണിക്യക്കല്ല്, നയന്‍ വണ്‍ സിക്‌സ് എന്നീ ചിത്രങ്ങള്‍ക്ക് ശേഷം എം. മോഹനന്‍ സംവിധാനം ചെയ്യുന്ന ചിത്രമാണിത്. ശ്രീനിവാസൻ്റെ ഭാര്യാ സഹോദരനാണ് എം. മോഹനൻ. നിഖില വിമല്‍, ഉര്‍വശി, വിജയരാഘവന്‍, പ്രേംകുമാര്‍, ബിജുക്കുട്ടന്‍, കോട്ടയം നസീര്‍, അജുവര്‍ഗീസ് എന്നിവരാണ് ചിത്രത്തിലെ മറ്റുകഥാപാത്രങ്ങളെ അവതരിപ്പിക്കുന്നത്.
ഷാന്‍ റഹ്മാനാണ് ചിത്രത്തിലെ ഗാനങ്ങൾക്ക് സംഗീതം പകരുന്നത്. എം.മോഹനന്‍റെ മുൻ ചിത്രങ്ങളുടെയെല്ലാം പശ്ചാത്തലങ്ങൾ ഗ്രാമാന്തരീക്ഷങ്ങളായിരുന്നു. ഈ ചിത്രവും അത്തരത്തിലൊന്നായിരിക്കും എന്നാണ് പ്രേക്ഷകരുടെ കണക്കുകൂട്ടൽ. വിനീത് തന്‍റെ ഫേസ്ബുക്കിലൂടെയാണ് പോസ്റ്റര്‍ പുറത്തുവിട്ടത്. ഏറെ നാളുകള്‍ക്ക് ശേഷം അച്ഛനൊപ്പം അഭിനയിക്കുകയാണെന്നാണ് പോസ്റ്റര്‍ പുറത്തുവിട്ടുകൊണ്ട് വിനീത് പറഞ്ഞത്.
Mobile AppDownload Get Updated News