മസിലളിയൻ പെണ്‍വേഷത്തിൽ; 'ചാണക്യ തന്ത്ര'ത്തിന്‍റെ മേക്കിങ് വീഡിയോ

മലയാളസിനിമയുടെ മസിലളിയനായ ഉണ്ണി മുകുന്ദന്‍ പെണ്‍ വേഷത്തില്‍ പ്രത്യക്ഷപ്പെടുന്ന ചാണക്യ തന്ത്രത്തിന്‍റെ മേക്കിങ് വീഡിയോ പുറത്തുവിട്ടു. ഉണ്ണി നായകനാകുന്ന ഏറ്റവും പുതിയ ചിത്രമാണ് ചാണക്യതന്ത്രം. ചിത്രത്തിനായി ഉണ്ണി മുകുന്ദനെ പെണ്ണാക്കി മാറ്റുന്ന മേക്കോവര്‍ വീഡിയോയാണ് അണിയറ പ്രവര്‍ത്തകര്‍ പുറത്ത് വിട്ടിരിക്കുന്നത്. തിങ്കള്‍ മുതല്‍ വെള്ളി വരെ, ആടുപുലിയാട്ടം, അച്ചായന്‍സ് എന്നീ ചിത്രങ്ങള്‍ക്കു ശേഷം കണ്ണന്‍ താമരക്കുളം ഒരുക്കുന്ന ചിത്രമാണിത്.



അനൂപ് മേനോന്‍ പ്രധാന വേഷത്തിലെത്തുന്ന ചിത്രത്തില്‍ ശിവദയും ശ്രുതി രാമചന്ദ്രനുമാണ് നായികാ വേഷത്തിലെത്തുന്നത്. മിറാക്കിള്‍ പ്രൊഡക്ഷന്‍സിന്‍റെ ബാനറില്‍ മുഹമ്മദ് ഫൈസലാണ് ചിത്രം നിര്‍മിച്ചിരിക്കുന്നത്. ദിനേശ് പള്ളത്ത് തിരക്കഥ രചിച്ചിരിക്കുന്ന ഈ ചിത്രം ഉള്ളാട്ടില്‍ വിഷ്വല്‍ മീഡിയ പ്രദര്‍ശനത്തിനെത്തിക്കുന്നു. ഷാന്‍ റഹ്മാനാണ് ചിത്രത്തിലെ ഗാനങ്ങൾക്ക് സംഗീതം ഒരുക്കുന്നത്. ചിത്രം അടുത്ത മാസം തിയേറ്ററുകളിലെത്തും.