'ആദി'യുടെ വിജയത്തിനുശേഷം മോഹൻലാലിന്‍റെ മകൻ പ്രണവിന്‍റെ അടുത്ത ചിത്രം ''രാമലീല'' സംവിധായകനോടൊപ്പം. ടോമിച്ചൻ മുളകുപാടമാണ് നിർമ്മാണം. ടോമിച്ചൻ മുളകുപാടം തന്നെയാണ് ഇക്കാര്യം ഫേസ്ബുക്കിലൂടെ അറിയിച്ചത്.
കുറിപ്പ് ഇങ്ങനെ: നിങ്ങളെ പോലെ എനിക്കും ഏറെ സന്തോഷം പകരുന്ന ഒരു വാർത്ത നിങ്ങളോട് പങ്കു വെക്കുകയാണ്. ബ്ലോക്ക്ബസ്റ്റർ ചിത്രം 'ആദി'ക്ക് ശേഷം പ്രണവ് മോഹൻലാൽ നായകനാകുന്ന രണ്ടാമത്തെ ചിത്രം നിർമ്മിക്കുന്നത് മുളകുപ്പാടം ഫിലിംസാണ്. രാമലീലക്ക് ശേഷം അരുൺ ഗോപി തിരക്കഥയെഴുതി സംവിധാനം നിർവഹിക്കുന്ന ചിത്രം ജൂൺ മാസത്തോട് കൂടി ചിത്രീകരണം ആരംഭിക്കും. നിങ്ങളുടെ പ്രാർത്ഥനയും പിന്തുണയും എന്നും ഉണ്ടാകുമെന്ന് പ്രതീക്ഷിക്കുന്നു.
Mobile AppDownload Get Updated News