ഹൃദയഹാരിയായ കഥാതന്തു
ഹരീന്ദര്‍ സിംഗ് സിക്കയുടെ പുസ്തകമായ സെഹ്മത്തിന്‍റെ ദൃശ്യാവിഷ്‌കാരമാണ് റാസി. മേഘ്‌ന ഗുല്‍സാറാണ് ചിത്രം സംവിധാനം ചെയ്യുന്നത്. 1971 കളിലെ ഇന്ത്യ-പാകിസ്ഥാന്‍ പ്രശ്‌നങ്ങൾ റാസിയിലൂടെ ദൃശ്യവത്കരിച്ചിരിക്കുന്നു. പാകിസ്ഥാനിലേക്ക് വിവാഹം ചെയ്യപ്പെട്ട കശ്‍‍മീരി പെണ്‍കുട്ടി സ്വന്തം രാജ്യത്തിനായി ഒരു ചാരയുടെ വേഷം കെട്ടേണ്ടി വരുന്ന അവസ്ഥയാണ് റാസി പറയുന്നത്.
താരനിര
ചിത്രത്തില്‍ ഇന്ത്യന്‍ ചാരയുടെ വേഷത്തിലാണ് ആലിയ പ്രത്യക്ഷപ്പെടുന്നത്. വിക്കി കൗശലാണ് ആലിയക്കൊപ്പം ചിത്രത്തില്‍ മറ്റൊരു പ്രധാന വേഷം കൈകാര്യം ചെയ്യുന്നത്.
ഉഡ്താ പഞ്ചാബ്, ഹൈവേ തുടങ്ങിയ ചിത്രങ്ങള്‍ക്ക് ശേഷം ആലിയയുടെ കരിയറിലെ ശക്തമായ ഒരു കഥാപാത്രമാണ് ഇത്.
വേഷപ്പകര്‍ച്ച
ഒന്നര മിനിറ്റുള്ള ട്രെയിലറില്‍ ചിത്രത്തിന്‍റെ കഥാപശ്ചാത്തലം വ്യക്തമാക്കുന്നു. പാകിസ്ഥാന്‍ പട്ടാളക്കാരന്‍റെ ഭാര്യയായെത്തുന്ന കശ്‍‍മീരി പെണ്‍കുട്ടിയും പിന്നീട് തന്‍റെ രാജ്യത്തിനായി നടത്തുന്ന അവള്‍ നടത്തുന്ന കഠിനാധ്വാനവും ട്രെയിലറിലുണ്ട്. പട്ടാളക്കാരന്‍റെ ഭാര്യയായിരിക്കുന്ന സമയത്ത് തന്നെ രഹസ്യമായി വിവിധ ആയുധങ്ങളില്‍ നൈപുണ്യം കരസ്ഥമാക്കുന്ന ഒര ഉദ്യോഗസ്ഥയായ ആലിയയുടെ വേഷപ്പകര്‍ച്ച ട്രെയിലറിൽ ശ്രദ്ധേയമാണ്.
സംവിധാനം
മേഘ്‌ന ഗുല്‍സാര്‍ സംവിധാനം ചെയ്യുന്ന ചിത്രമായ റാസി ഹരീന്ദര്‍ സിംഗ് സിക്കയുടെ പുസ്തകമായ സെഹ്മത്തിന്‍റെ ദൃശ്യ ആവിഷ്കാരമാണ്. ധര്‍മ്മ പ്രൊഡക്ഷന്‍സും, ജംഗ്ലി പിക്‌ചേഴ്‌സിന്‍റെയും ബാനറില്‍ കരണ്‍ ജോഹറും, വിനീത് ജയിനും ചേര്‍ന്നാണ് ചിത്രം നിര്‍മ്മിക്കുന്നത്.
പ്രതിഭാധനരായ സഹതാരങ്ങൾ
മുഖ്യ കഥാപാത്രങ്ങളുടെ തെരഞ്ഞെടുപ്പോളം ശ്രദ്ധ തന്നെ സഹതാരങ്ങൾക്കും നൽകാൻ സംവിധായൻ അതീവ ശ്രദ്ധ പുലര്‍ത്തി. അതിനാൽ തന്നെ രജിത് കപൂര്‍, ജയ്ദീപ് അഹ്ലാവത്, ശിശി‍ര്‍ ശര്‍മ്മ തുടങ്ങിയവരാണ് ചിത്രത്തിൽ അണി നിരക്കുന്ന മറ്റു താരങ്ങൾ.
Mobile AppDownload Get Updated News