ഫ്ലിപ് കാർട്ട് എന്ന ഓൺലൈൻ ഷോപ്പിംഗ് സൈറ്റ് തന്നെ പറ്റിച്ചുവെന്ന് നടൻ ബിനീഷ് ബാസ്റ്റിൻ. ഫേസ്ബുക്കിൽ പങ്കുവെച്ച വീഡിയോയിലാണ് താരം ഇത് പറഞ്ഞിരിക്കുന്നത്. കഴിഞ്ഞ ദിവസം ഫ്ലിപ് കാര്‍ട്ടിൽ നിന്ന് 20,000 എം.എ.എച്ചിന്‍റെ എം.ഐ ബ്രാൻഡിന്‍റെ പവർ ബാങ്ക് 1475 രൂപയ്ക്ക് ബുക്ക് ചെയ്തിരുന്നു. എന്നാൽ ഇത് വന്നപ്പോള്‍ എം.ഐ അല്ല. ലോക്കൽ പവർബാങ്കാണ് വന്നതെന്ന് താരം പറയുന്നു. 30 രൂപയ്ക്ക് കിട്ടുന്ന ലോക്കൽ ഡാറ്റ കേബിളും ഇതോടൊപ്പം ഉണ്ടായിരുന്നത്. ഓൺലൈൻ തട്ടിപ്പാണിത്.
ആദ്യമായാണ് താൻ ഓൺലൈൻ ഷോപ്പിങ്ങ് നടത്തിയതെന്നും ബിനീഷ് പറയുന്നു. ചെന്നൈയിലും മറ്റും റോഡരികിൽ വിൽക്കുന്ന പവർ ബാങ്കാണ് ഫ്ലിപ് കാർട്ട് തനിക്ക് അയച്ചുതന്നിരിക്കുന്നത്. ഇത് അവിടെ 200 രൂപയ്ക്ക് കിട്ടുന്നതാണ്. ഇത്തരത്തിൽ അനേകരെ പറ്റിച്ചിട്ടുണ്ടാകും. കോടികളുടെ തട്ടിപ്പാണിത്. ഇനി ആരും ഇത്തരത്തിൽ പറ്റിക്കപ്പെടാതിരിക്കാനാണ് ഇത് പങ്കുവയ്ക്കുന്നതെന്നും ബിനീഷ് പറയുന്നു. കഴിയുന്നതും ഓൺലൈനിൽ സാധനങ്ങള്‍ വാങ്ങിക്കാതിരിക്കുകയെന്നും താരം പറയുന്നു. ഫുള്‍ ചാര്‍ജ് ചെയ്തിട്ട് മൊബൈലിൽ 50 ശതമാനം ചാർജ് കയറിയപ്പോഴേക്കും പവർ ബാങ്ക് ഓഫായെന്നും താരം കൂട്ടിചേർത്തിട്ടുണ്ട്.
<iframe src="https://www.facebook.com/plugins/video.php?href=https%3A%2F%2Fwww.facebook.com%2FActorBineeshBastin%2Fvideos%2F2036311203291347%2F&show_text=0&width=267" width="267" height="476" style="border:none;overflow:hidden" scrolling="no" frameborder="0" allowTransparency="true" allowFullScreen="true"></iframe>
Mobile AppDownload Get Updated News