ലാലേട്ടൻ ആരാധകർ​ കാത്തിരുന്ന ഗാനം എത്തി

മോഹൻലാൽ ഫാൻസ് കാത്തിരുന്ന മോഹൻലാൽ എന്ന ചിത്രത്തിലെ ലാലാലാ ലാലേട്ടാ എന്ന വീഡിയോ ഗാനം അണിയറപ്രവര്‍ത്തകര്‍ പുറത്തുവിട്ടു. ഇന്ദ്രജിത്ത് സുകുമാരനും മഞ്ജു വാര്യരും ഒന്നിക്കുന്ന മോഹൻലാൽ എന്ന ചിത്രത്തിലെ ഈ ഗാനം ചിത്രത്തിന്‍റെ ടീസര്‍ പുറത്തുവിട്ടപ്പോഴേ ശ്രദ്ധേയമായിരുന്നു. സാജിദ് യഹ്യ ഒരുക്കുന്ന ചിത്രത്തിൽ മഞ്ജു വാര്യർ കടുത്ത മോഹൻലാൽ ആരാധികയായാണ് എത്തുന്നത്.

ഈ ഗാനം ആലപിച്ചിരിക്കുന്നത് ഇന്ദ്രജിത്തിന്‍റെ മൂത്ത മകൾ പ്രാർഥന ഇന്ദ്രജിത്താണ്. ടോണി ജോസഫ്, നിഹാൽ സാദിഖ് എന്നിവർ ചേർന്നാണ് ഗാനത്തിന് ഇൗണമിട്ടിരിക്കുന്നത്. ഗാനത്തിന്‍റെ പ്രൊമോ വീഡിയോ സാമൂഹ്യ മാധ്യമങ്ങളിൽ വൈറലായിരുന്നു. ഷാജികുമാറാണ് ചിത്രത്തിന്‍റെ ഛായാഗ്രഹണം നിർവഹിച്ചിരിക്കുന്നത്. അജു വർഗീസ്, ഹരീഷ് കണാരൻ, ബിജു കുട്ടൻ തുടങ്ങി വൻ താരനിരയും ചിത്രത്തിൽ അണിനിരക്കുന്നു.