മികച്ച സംവിധായകനുള്ള പുരസ്‌കാരം ലിജോ ജോസ് പല്ലിശേരിക്ക് നേടിക്കൊടുത്ത ചിത്രം ഈ.മ.യൗ- ട്രെയ്‌ലര്‍ പുറത്തിറങ്ങി. പപ്പായ ഫിലിംസിന്റെ ബാനറില്‍ ആഷിഖ് അബു ചിത്രമേറ്റെടുത്താണ് തിയറ്ററുകളിലെത്തിക്കുന്നത്. ചിത്രം കഴിഞ്ഞ വര്‍ഷം ഡിസംബറില്‍ റിലീസ് പ്രഖ്യാപിച്ചതായിരുന്നു.
എന്നാല്‍ അവസാന നിമിഷം റിലീസ് നീട്ടിവെച്ചു. മേയ് നാലിന് ഈ.മ.യൗ റിലീസ് ചെയ്യും. ഈ.മ.യൗ ഒരു മരണവീട് പശ്ചാത്തലമാക്കിയ ആക്ഷേപഹാസ്യ ചിത്രമാണ്. ഒരു കടലോര ഗ്രാമത്തിലെ ലത്തീന്‍ കത്തോലിക്കാ പശ്ചാത്തലത്തിലാണ് കഥ നടക്കുന്നത്. മരണക്കുറിപ്പിനു മുകളില്‍ വെക്കുന്ന ഒരു ചുരുക്കെഴുക്കാണ് ഈ.മ.യൗ. ഈശോ മറിയം യൗസേപ്പേ എന്നതിന്റെ ചുരുക്കമാണിത്. പിഎഫ് മാത്യൂസ് ആണ് തിരക്കഥ ഒരുക്കിയിട്ടുള്ളത്.
Mobile AppDownload Get Updated News