ബോക്‌സ് ഓഫീസില്‍ കുതിച്ചുപാഞ്ഞ് ആലിയയുടെ 'റാസി'

ആലിയ ഭട്ട് നായികയായെത്തുന്ന പുതിയ ചിത്രമായ റാസിയുടെ ബോക്സോഫീസ് കളക്ഷൻ റിപ്പോ‍ർട്ടുകൾ പുറത്തു വന്നു. വെള്ളിയാഴ്ചയാണ് ചിത്രം പ്രദർശനത്തിനെത്തിയത്. ആദ്യദിനം 7.53 കോടി കളക്ഷൻ നേടിയ ചിത്രം രണ്ട് ദിവസം കൊണ്ട് മൊത്തത്തിൽ നേടിയത് 18. 83 കോടിയാണ്. ഇന്ത്യന്‍ ചാരയായി പാക്കിസ്ഥാനിലെത്തുന്ന പെണ്‍കുട്ടിയായി ആലിയ ശക്തമായ പ്രകടനമാണ് കാഴ്ച വെച്ചിരിക്കുന്നത്.

1971 കളിലെ ഇന്ത്യ-പാകിസ്ഥാന്‍ പ്രശ്‌നങ്ങളാണ് റാസിയിലൂടെ പറയുന്നത്. നീരുപക പ്രശംസ നേടിയ ചിത്രം ഇനിയുളള ദിവസങ്ങളിൽ മുന്നേറ്റം നടത്തുമെന്നാണ് റിപ്പോർട്ടുകൾ. 2018ലെ പ്രദ‍ർശന വിജയം നേടിയ ബോളിവുഡ് ചിത്രങ്ങളിൽ അഞ്ചാം സ്ഥാനത്താണ് റാസി. ഒരേസമയം പട്ടാളക്കാരന്റെ ഭാര്യയും അതേസമയം ആരുമറിയാതെ വിവിധ ആയുധങ്ങളില്‍ പ്രാവീണ്യം നേടുന്ന ഒരുദ്യോഗസ്ഥ എന്ന രീതിയിലും ആലിയയുടെ വേഷപ്പകര്‍ച്ച ശ്രദ്ധിക്കപ്പെടുന്നു.

മേഘ്‌ന ഗുല്‍സാര്‍ സംവിധാനം ചെയ്യുന്ന ഈ ചിത്രം ഹരീന്ദര്‍ സിംഗ് സിക്കയുടെ പുസ്തകമായ സെഹ്മത്തിന്റെ ദൃശ്യാവിഷ്‌കാരമാണ്. ആലിയയെ കൂടാതെ വിക്കി കൗശല്‍ ചിത്രത്തില്‍ പ്രധാന വേഷം കൈകാര്യം ചെയ്യുന്നു.

റാസി റിവ്യു വായിക്കാം