നരേന്ദ്ര പ്രസാദിന്‍റെ ഒാര്‍മ്മകള്‍ക്ക് 14 വര്‍ഷം

മലയാളത്തിലെ അഭിനയ പ്രതിഭ നരേന്ദ്ര പ്രസാദിന്‍റെ ഒാര്‍മ്മകള്‍ക്ക് ഇന്നേക്ക് 14 വര്‍ഷം. ഏകലവ്യനിലെ സ്വാമി അമൂര്‍ത്താനന്ദ , ആറാം തമ്പുരാനിലെ ഒറ്റക്കണ്ണന്‍ അപ്പന്‍, ജയരാജിന്‍റെ "പൈതൃക'ത്തിലെ സോമയാജിപ്പാട്, രാജസേനന്‍റെ "മേലേപ്പറമ്പിലെ ആണ്‍വീട്ടി'ലെ അച്ഛന്‍ ടി.വി.ചന്ദ്രന്‍റെ "സൂസന്നയിലെ' കഥാപാത്രം തുടങ്ങിയവ അഭിനയ മുഹൂ‍ർത്തങ്ങൾ ആരാണ് മറക്കുക. തൊണ്ണൂറുകളുടെ തുടക്കത്തിലാണ് അദ്ദേഹം ചലച്ചിത്ര രംഗത്ത് സജീവമാകുന്നത്. അതിന് മുമ്പ് നാടകരംഗത്ത് സജീവമായിരുന്നു അദ്ദേഹം.



തൊണ്ണൂറുകളുടെ ആദ്യ പകുതിയില്‍ തന്നെ തലസ്ഥാനം, രാജശില്‍പി, അദൈ്വതം, പൈതൃകം, ഏകലവ്യന്‍, ആയിരപ്പറ, മേലേ പറമ്പിൽ ആണ്‍വീട്, തലമുറ, യാദവം, ഭീഷ്മാചാര്യ, സിഐഡി ഉണ്ണിക്കൃഷ്ണന്‍, ഭാഗ്യവാന്‍, വാര്‍ധക്യ പുരാണം തുടങ്ങിയ ചിത്രങ്ങളിലൂടെ അദ്ദേഹം മലയാള ചലച്ചിത്ര മേഖലയിലെ അവിഭാജ്യ ഘടകമായി മാറി.മലയാള സിനിമയില്‍ വില്ലന്‍ എന്ന സങ്കല്‍പ്പത്തിന്റെ പര്യായമായി നരേന്ദ്ര പ്രസാദ് മാറി. മികച്ച സഹനടനുള്ള സംസ്ഥാന അവാര്‍ഡ് നേടിയ നരേന്ദ്രപ്രസാദിന് കേരള സാഹിത്യ അക്കാദമിയുടെ സമഗ്ര സംഭാവനയ്ക്കുള്ള പുരസ്ക്കാരവും ലഭിച്ചിട്ടുണ്ട്.

1967-ല്‍ അധ്യാപകനായി ഔദ്യോഗിക ജീവിതം ആരംഭിച്ചു. പാലക്കാട് വിക്ടോറിയ കോളേജ്, തിരുവനന്തപുരം യൂണിവേഴ്സിറ്റി കോളേജ് എന്നിവിടങ്ങളില്‍ അധ്യാപകനായിരുന്നു. 1989 മുതല്‍ കോട്ടയം മഹാത്മാ ഗാന്ധി യൂണിവേഴ്സിറ്റിയിലെ സ്കൂള്‍ ഓഫ് ലെറ്റേഴ്സ് ഡയറക്ടറായ നരേന്ദ്രപ്രസാദ് വിരമിക്കും വരെ തല്‍സ്ഥാനത്ത് തുടര്‍ന്നു.


Malayalam actor Narendra Prasad Memories turned 14 years

Narendra Prasad was a popular Indian actor, playwright, director, teacher and literary critic. He was born at Mavelikara, Alappuzha District, in the south Indian state of Kerala.