അഭിനയത്തിന്‍റെ പെരുന്തച്ചൻ ഇല്ലാത്ത നാലുവ‍ര്‍ഷങ്ങള്‍...

മലയാളത്തിന്റെ അതുല്യ പ്രതിഭ തിലകൻ ഓർമ്മയായിട്ട് ഇന്നേക്ക് നാല് വർഷം. മലയാള സിനിമയുടെ എക്കാലത്തെയും തീരാനഷ്ടമാണ് തിലകന്റെ വിയോഗം. നാടകരംഗത്തെ കുലപതിയായ തിലകൻ മലയാള സിനിമയ്ക്ക് സ്വന്തമാകുന്നത് 1979ൽ പുറത്തിറങ്ങിയ ഉൾക്കടൽ എന്ന ചിത്രത്തിലൂടെയാണ്. തിലകന്റെ അഭിനയ ജീവിതം ആരംഭിക്കുന്നത് നാടകങ്ങളിലൂടെയാണ്. പിന്നീട് 1956ൽ പഠന ഉപേക്ഷിച്ച് പൂർണ്ണമായും നാടകത്തിൽ തന്നെ ശ്രദ്ധി കേന്ദ്രീകരിച്ചു. പിന്നീട് 1979ൽ വെള്ളിത്തിരയിൽ എത്തിയ തിലകൻ മലയാള സിനിമയുടെ ശ്രദ്ധേമായ സാന്നിദ്ധ്യമായി മാറുകയായിരുന്നു.



മലയാളികൾക്ക് മറക്കാനാവത്ത നിരവധി ചിത്രങ്ങൾ സമ്മാനിച്ച തിലകൻ അഭിനയിച്ചിരുന്ന ഓരോ കഥാപാത്രത്തെയും തന്നിലെ അഭിനയ മികവുക്കൊണ്ട് ആ കഥാപാത്രമായി ജീവിക്കുകയായിരുന്നു ചെയ്തിരുന്നത്. യവനിക,കിരീടം, പെരുന്തച്ചൻ, മൂന്നാംപക്കം,സ്ഫടികം,കാട്ടു കുതിര,ഗമനം,ഉസ്താദ് ഹോട്ടൽ, ഇന്ത്യൻ റുപ്പി തുടങ്ങിയ ചിത്രങ്ങളാണ് തിലകന്റെ അഭിനയ ജീവിതത്തിലെ ശ്രദ്ധേയമായ ചിത്രങ്ങൾ. ഏകാന്തം എന്ന ചിത്രത്തിലെ അഭിനയത്തിന് 2006ലെ ദേശീയ ചലച്ചിത്ര അവാർഡിൽ തിലകന് പ്രത്യേക ജൂറി പുരസ്‌കാരം ലഭിച്ചിരുന്നു. കൂടാതെ 2009ലെ പത്മശ്രീ പുരസ്‌കാരവും തിലകന് ലഭിച്ചിട്ടുണ്ട്.